١- في الجَليل هِنا أكيد مافيش جِديد
في صَندوق العيلَة المَلَل دايمًا بيزيد
تِتوِلِد وتعيش وتموت صَيَّاد زَيّ الباقيين
تُقَف في المِينا تِنزِل السَّفينَة
والمَيَّه قُدَّامَك يلَّا شِدّ الشَّبَك
تِغسِل كُل السَّمَك
كُل يوم في القِصَّة دي
٢- صُبح وضُهر وليل جوَّه نَفس الرُّوتين
كُل يوم زَيّ اللِّي قَبلُه واهو عايشين
حاسِّين فيه حاجَة ناقصَة لَكِن مِش عارفين
والعُمر بيجري والإحباط جِه بَدري
كُل يوم في القِصَّة دي
لَكِن يَسوع
قابِلنا وغَيَّر الحَياة
القرار- خَلَّانا صَيَّادي النَّاس.. صَيَّادي النَّاس
خَلَّانا ننَّادي بِالنُّور والخَلاص
كُل البَشَر هانبَشَّر ونعَلِّمهُم حَقُّه
يعرَفوه ويشوفوه وساعِتها هايبقوا
صَيَّادي النَّاس.. صَيَّادي النَّاس
٣- وِسط الحِلم والأمَل اللِّي راح والمَعنى اللِّي تاه
جالنا ودَعانا يَسوع المَسيح ابن الإلَه
عَرَّفنا هَدَف وجودنا هِنا في الحَياة
هوَّ حَبِّنا كَسَّر كُل قيودنا
كُل يوم في المَحَبَّة دي
