القرار- (في رحلة الحياة مشيت في دروب كتير
مشيت في درب منهم بابه واسع كبير)٢
١- طريق غواني صاحبه بوعود ملهاش مثيل
وعدني أكون وريثه أبداً ما أكون عليل
مشيت مخدوع في وعده لكن طال الطريق
لا في يوم قابلت صاحبي (ولا خلي ولا صديق)٢
٢- صحيت لاقتني ماشي في طريق مظلم وحيد
لا فيه غير خوف بيرعى سوسه في عضمي المريض
ناديت بأعلى صوتي عريان ماليش صديق
بكيت ومين يسمعني (مجروح على الطريق)٢
٣- يا أبويا محتاج لإيدك مافيش غير معين
محتاج تلمس جروحي ما أنا ليَّ غيرك مين
مافيش غيرك يا ربي فداني على الصليب
واثق يا أبويا إنك (لصلاتي هاتستجيب)٢
