١- (الشُّكوك بِتحوم في راسي كُل يوم عَمَّالَة تزيد
دي طاحونَة جوَّه دماغي ولا لاقي شيء جِديد)٢
عَندي عَلامات تَعَجُّب وحاجات مِش في القاموس
مين يرُدّ عَليَّ رَبِّي ويرَيَّح في النُّفوس
القرار- وأنا وِسط رَحايَة بين أسئِلتي واليَقين
جايّ زَيّ توما أقول لَك إنتَ إلَهي ورَبِّي
حَتَّى لَو مِحتاج أشوف وأحِسّ بِالإيدين
سامِحني قَدَّر شُكوكي وأيّ حيرَة ماليَة عَقلي
٢- (وأنا ياما كُنت باقبَل وباسَلِّم بِالحاجات
وساعات كان غَصب عَنِّي ونَصيبي كان سُكات)٢
حَقِّي أقبَل وأرفُض مِن غير مُسَلَّمات
وأنا لَو قَلبي هايآمِن مِحتاج لُه لَمَسات
٣- (جايّ ليك بِالحيرَة رَبِّي خالِق ومالَكش حدود
واحتِويني إن كان سُؤالي صَعب يبقى لُه رُدود)٢
ادِّيني إيمان يصَدَّق حَتَّى لَو مافيش عَيان
وأيّ حِسبَة تانيَة تِسقَط وآجي حاسِبها بإيمان
