١- (شغلك فينا أكيد يستاهل
كل الخطة اللي راسمها لنا
كل طلبنا حضورك فينا
هو ده خيرنا مهما جرى لنا)٢
القرار- (قصدك صالح شغلك رائع)٢
كل اللي إنت عملته ده خير
٢- (طرقك صالحة وعارف شغلك
مش متسابة ده ليك تصميم
زي فخاري تشكل فينا
وفي ضغطاتك إنت حكيم)٢
٣- (شغلك فينا عظيم يستاهل
كل اللي إنت عملته اكيد
روعة فنك مش بالسهل
تظهر في إناء زيي عنيد)٢
٤- (عندك صورة بديعة في فكرك
عايز ترسمها في أوانينا
وعندك رحمة وحب في قلبك
لو تئلمنا ما هاتئذينا)٢
٥- (ذل الماضي ده كان خير لينا
درس الصبر حقيقي ثمين
قبل ما تضغط كتير ضلينا
وإنت عايزنا نكون كاملين)٢
