القرار- جعان قلبي .. ليك يا فاديَّ
جعانـة نفسي .. للمسة قوية
ولعشرة بيك حقيقية .. واعبدك بالروح
جعان أبصر قوتك .. واتلامس بمحبتك
وامتلي من هيبتك .. حمل الله المذبوح
1- خذني لعمق جديد وياك .. قيس واعبر عبرني معاك
ده القلب دايب للقاك .. ما انت كنزي ونصيبي
يوم ورا يوم أنا باستناك .. باستنى حضورك ورضاك
تحكي كخلي وأحكي معاك .. ولا أطلب إلا حبيبي
2- أحضرت قارورة طيبي .. جلست دون رقيبِ
انتظر ربي حبيبي .. بلهفة وبشوق
عبادتك مالية ضلوعي .. ومجدك غايتي وجوعي
وتتويجك يا يسوعي .. على الكل يفوق
3- حبك مالك في كياني .. هو أساسي وبنياني
وبنعمة البر كساني .. بيه رفعت الراس
قلبي بيهتف ويغني .. بالنصرة بدمه باغني
ربي وملكي مات عني .. حمل كل قصاص
