ساعات باحس إني ريشة فمهب الريح
طايره من غير جناح بتحركها الرياح
وساعات باحس إني سفينة في بحر هايج
تايهة فطريقها ويائسة مش عارفة امتى هاترسى
ولا عارفة فين الطريق
يا يسوع أمسك الدفة بأيديك وبكلمة هدي الرياح
يا يسوع بنادي عليك بدل ظلامي بنور الصباح
لما بتكون معايا الصعب بيهون
وكفك الحنون بلاقي طوق النجاة ... طوق النجاة
ساعات باحس إني عصفور مش لاقي بيت
مش حاسس بالأمان ولا لاقي ليه مكان
وساعات باحس إني طفل صغير ضعيف
محتاج لقلب يحبه يطرد الخوف من قلبه
ويلاقي فيه الصديق
يا يسوع معاك بلاقى بيتي وبلاقى ليَّ عنوان
يايسوع في حضنك بلاقى راحتي
وفى خوفي بلاقي الأمان
صوتك الحنين ينادي عليَّ ويطمن
قلبي ويرويني بحبك من ينبوع الحياة
ينبوع الحياة
