1- امسك يارب إيدي زي بطرس زمان
لما قرَّب يغرق مسكت إيديه بحنان
( ورفعته وسط الموج واديته سلام وأمان )2
( وأنا زيّه يا ربي امسك إيدي كمان )2
2- الموج عليَّ عالي يخطف قلبي مني
والريح يا ربي شديدة وخايف نفسي تخوني
( والمركب طالع نازل وصخور بتحطَّمني )2
( قول للموج يهدأ في صَدرك أُحضني )2
3- أدخل يارب سفينتي أملك حياتي كمان
و أطرد مني الخوف داوي كل الآلام
( أُسكن جوا قلبي وأملأه بالسلام )2
( أبداً ما تسيبني لوحدي أمشي وسط الأيام )2
4- إيماني يا ربي ضعيف شددني في الأيمان
وإن يوم أنا شكيت فيك أو تُهت في أي مكان
( ده انت يارب أبويا قلبك كله حنان )2
( رجعني تاني ليك أعيش طول الزمان )2
5- وفي الأبدية يا ربي أتمنى أكون معاك
جهِّز لي هناك مكان علشان أكون وياك
( مهما كانت ضعفاتي مالي يارب سواك )2
( انت تستر عليَّ وتفرحني برؤياك )2
