جاي قدامك بركع

1- جاي قدامك بركع وأسجد و أعليك
وأسكب نفسي وكل ما ليَّ وأخضع ليك
جاي وبقولك بارك نفسي وردني ليك
وانزع كل ضلال جواي واملاني بيك
خلي جمالك قدام عيني مش فشلي
خلي كلامك يملا كياني مش جهلي
خليني أشوفك وإنت شايلني وضامني... إنت يسوع
2- يا اللي بترعي كل وجودي في الأيام
يا اللي عنيك سهرانة عليَّ ومش بتنام
يا اللي سلامك سر سلامي وكل سلام
يا اللي أمانتك مصدر أمني وكل أمان
جاي بديلك كل شيء مسكاه إيديَّ
وحد قلبي واملك كل شيء فيَّ
وأرضى عليَّ ده رضاك عني بالدنيا... إنت يسوع
3- عايز أحبك فعلاً أكتر من الأول
عايزك تبقى إنت السيد وإنت الأول
عايز أشوفك إنت وحدك بتشكل
وتعين ضعفي ونقصي إنت بتكمل
عايزك تبقى إنت الكل بحياتي
ثروة عمري وكل الحاضر والآتي
وتبقى العالي وتبقى الغالي وغاياتي ... إنت يسوع