تعبت من الضياع

1- تعبت من الضياع كرهت البعد وطعم الغربة
تعبت من الضياع وعم فتش على راحة قلبي
تعبت من الضياع مش عم بقدر لاقي حالي
تعبت من الضياع ورح أصرخ بالصوت العالي

القرار – (يارب ارحمني وخلصني سلامك وحده بينقصني)2
بعدت كتير رجعت بتوبة أنا خاطي ارحمني وخلصني

2- (كرهت الماضي وأخباره وسهر الليل وأسراره
واللي كانوا سبب لفرحي أسباب الحزن صاروا
كذب وسكر ولعب قمار وشر مسيطر ع الأفكار
والمخدر ليل نهار يطبع فيِّ آثاره)2
(بترجاك تطلع فيِّ حبل الموت التف عليه)2
(واللي فكرته الحرية عم يصلبني بمسماره)2
3-(عمري بإيدي ضيعته ورح تطلب مني حسابه
وجسمي اللي بإيديك عجنته بكرة بيرجع لترابه
أنا باعرف إني المسئول لكن ما في عندي حلول
مش عارف شو بدي قول وآمالي كلن خابوا)2
(ما بستاهل قِلك بيي كلمة بيي كبيرة عليِّ)2
(تعبت كتير من الخطية وقلبي تمرمر بعذابه)2