آسف وباعلن بالندم أسفي .. على كل مرة بعدت عن هدفي
كان الهدف إنك تملك حياتي ودنيتي .. تملك لساني وكلمتي
تملك دموعي وفرحتي وانت اللي ترسم بالأمل
مشوار حياتي وسكتي
لكن حصل غير اللي كان أملي
غير اللي كان هدفي غير اللي كان ساكن ضميري ونيتِّي
والقلب مال والبعد طال وأنا جاي أصلح غلطتي
وأنا آسف
أنا آسف على كل دقيقة أو لحظة مامشيتش معاك
أنا آسف على كل مسافة وخطوة ماكنتش وراك
عشت حياتي في جو الخدمة وبقيت واحد من القيادات
كان شكلي باخدم و الواقع كان رغبة في تحقيق الذات
وأنا آسف
كان تسبيحك مالي حياتي فرح ومجد وحب شديد
عمره ما كان كلمات محفوظة شكل وصنعة ولحن جديد
كان ترنيمي بيعلن مجدك يشهد عن حبك وحنانك
أحياناً دلوقتي بارنم علشان نفسي مش علشانك
والقلب مال والبعد طال وأنا جاي أصلح غلطتي
وأنا آسف