قلي شو ناطر بعد يا ميت من الجوع وضايع مع اللي خبروا امبارح وضاعوا
ما في حدا بها الدني بيشبع متل يسوع اسأل اللي قبلك اجوا ع ها الدني وجاعوا
اللي راحوا وفلوا خلاص ما عاد يلقوا رجوع يا ريت رب السما ع الأرض عود
عاشوا سوا عمر فيه الأمل مقطوع شو اتعذبوا واشتروا وشو فرطوا وباعوا
لا تقول ضاع الوقت والدرب صار قطوع وهاك النسيم احترق من علته وجاعوا
قبال المسيح اللي فتح درب السما الممنوع وشرق ظلام القبر لما ضوى شعاعه
وبالحال هلأ إذا بتركع إله بخشوع وبحر المحبة لو نزلت معه ع قاعه
فوق الخدود الصفر يمسح الرب الدموع والقلب يرقص فرح والكون ما يساعه
القرار - حبيبي أبيض أحمر بطنه من عاج كلامه متل العسل كله علاج
كل الدني يا خيي أوعى تنهم وربك شايف الحاجة وفيك بيهتم
وإن كان حالك يا خيي حال العدم وعده أمين وبيسدد كل احتياج
درب العالم يا خيي كله ظلام تقضي فيه وأيامك كلها آلام
راح دلك ع مسيحي رب السلام روح اتبعه يا خيي بتلقى العلاج
ربك واقف ع بابك عمال يدق يدق وناطر جوابك وقلبك تا يرق
بظلمة عايش مش شايف شي غير النق افتح له بينور فيك بنوره الوهاج
يا مسيحي ياللي قمت ودست الموت فتحت لي باب السما وقلت لي فوت
راح قولها وماني خايف وبأعلى الصوت شرف ربي حياتي وهدى الأمواج
