التعبان لما بيلجأ

1- التعبان لما بيلجأ لك يا ربي في لحظة بيرتاح
والمجروح بتمِد له إيديك و بتشْفي كل الجراح
والمحتاج لما بيشكي لك دايماً بتساعدُه تديه
و اليائس بكلمة منك بترجع أمله وأمانيه

القرار - شكراً ليك شكراَ ليك شكراَ يا إلهنا
شكراَ ليك شكراَ من أعماق قلوبنا
(انت فادينا و انت راعينا
و انت يارب سر فرحنا)2

2- قلبك مليان حب كبير وعينيك طول العمر علينا
وصوتك الحلو يطمِّن كل قلوبنا ويعزينا
طول مشوارنا انت معانا و إيديك ماسكة بحب إيدينا
ورعايتك ربي وحنانك حاسين بيهم من حوالينا