(يا رب يا واحة وراحة لكل التعبانين
يا نور وشمس الدفا لقلوبنا البردانين)٢
أشرق علينا يا رب يا منارة التايهين
ده البحر هاج وفي ليله احتاروا الملاحين
يا بحر يا هايج مجدافي مش قدك
بس اللي قدك معايا في مركبي ساكن
يقدر يعليني على موجك ما هو ربك
يقدر كمان وبكلمته تصير ساكن
(رب السماء والأرض والأكوان وليه قدرة
تهدي الحيارى في سكة الأخطار
ولو تاهوا لكن مالوا على بابك
تقدر تبدل ليلهم الحالك بنهار)٢
