القرار- (لولا النعمة ما كنت أشوفك ولا كان ليَّ مكان في سماك
أنا مديون لك ربي بعمري ياللي فديتني بسفك دماك)2
1- (مانساش أصلي كنت أنا عاصي طول أيامي وكلي معاصي
ضربة طريّة في كل كياني من رجليَّ لهامة رأسي)2
2- (ياما حاولت وكنت باحاول أجد الراحة ماكنتش طايل
عشت في وهم سنين خدعتني شهوة عيني في عالم زايل)2
3- (نعمة غنية اتجهت ليَّ فكت نفسي من العبودية
لما ناداني يسوع ودعاني في الحال قلبي اتغير فيَّ)2
4- (نعمة تكفي طول الرحلة من بدايتها لحد لقاك
ماشية معايا بكل عناية لحد ما تيجي تاخدني معاك)2
