قرار: لما الحمل بيتقل يتقل فوق أكتافي
لما الشر بشوكه بيجرح قدمي الحافي
لما مرارة كل خطية تمرر حلقي
ألقى دموع التوبة ياربي دوايا الشافي
١- بالقى الراحة ساعة صلاة بتكون وياك
آية أتأمل فيها يا ربي في قعدة معاك
لما أتأمل فيها باعيشها في الإنجيل
تبقى جناح يرفعني يا ربي وأطير لسماك
٢- وقتها بالقى حملني ده كله خف وزال
وكأن إنت يا ربي رفعته قوام في الحال
بالقى الراحة ياربي حقيقة وأنا وياك
تبقى حياتي ملاها سعادة وفيها سلام
٣- بانسى الشوك والشر وبانسى كل خطية
وافتكر إن أنا ابن وعود صادقة وسماوية
بافتكر إن أنا أخدت النصرة على إبليس
يوم ما فتحت بدمك إنت الفردوس ليَّ
