١- كل يوم تحت صليبك.. كنت بافكّر دايماً فيك يا ربي وأجيلك
من غير خوف زي أبويا .. عن أسراري وعن حكاياتي هناك باحكيلك
كنت كتير يا ربي بافكّر.. من دلوقتي وحتى أما أكبر
إني لا يمكن يوم هاتغيَّر.. وانسى صليبك
كنت في قلبي دايماً أصلّي.. يفضل حبك فيَّ تملّي
ومافيش حاجة في يوم تمنعني ... إني أجيلك .. وأفضل أحكيلك
٢- وأما كبرت ناديتك تاني.. بس لقيت في إيديَّ يا ربي قيود مانعاني
حزن وخوف مالي كياني.. سجن خطية وحب وشهوة عالم فاني
وبقيت تاني يا رب بافكّر.. إمتى أرجع لك وإزاي هاقدر
أقعد زي ما كنت صغيّر.. تحت صليبك
وبقيت تاني في قلبي باصلي.. إنك تغفرلي وتخلّي
شهوة قلبي وروحي تملّي.. إني .. أجيلك .. وأفضل أحكيلك
٣- وأما رجعت لقيتك حاني.. بين أحضان الآب في الروح فرح يملاني
مسحت دموعي جددت كياني.. باعترافات من عمق القلب ندم جواني
و إزاي بقى يارب هكافئك.. على غفرانك وعلى رعايتك
هافضل طول الوقت اطاوعك.. جوه طريقك
ويكون قلبي بيرنم لك.. طول العمر هامجد اسمك
أغلى ما عنده بيقدم لك لما أجيلك وأفضل أحكيلك
