١- جايين وبصرخة قلبي المحتاج طالبين العون
عارفين إنك بالحكمة الإلهية أسست الكون
لكن خطايانا البشرية هدمت أركان الحرية
واتملت الأرض التعبانة بشرور وذنوب وجريمة وضرب
ومآسي كتير وجرايم حرب
القرار - ارحم ارحم .. ارحمنا ارحمنا.. ارحمنا يارب
عايزينك تيجي يارب وتملا الأرض حياة
وتفيض ع الأرض محبة وخير ونجاة
وبحبك نعرف إيه الحب وإيه معناه
ما هو إنت الحب وإنت أساسه وإنت يارب غناه
٢- جايين وبصرخة كل مريض في البيت مرهون
عارفين إنك وحدك تشفي عبيدك وشفاك مضمون
عالج جروحات متخبية امسح آلامات قاسية قوية
عالج باللمسة الإلهية وأحكم بأوامر سماوية
ما هو سلطان الحلمة الحية فوق كل الطب
٣- جايين وبصرخة كل فقير مذلول مطحون
طالبين تديله الحاجة اللي تصونه من غير ما يهون
ارفع أزمات متآسية استر أبواب متغطية
واديله الرزق المتقدر وافتح له الباب المتسكر
وسع قدامه طريق للكسب من خير الرب
