القرار- شبعي فيك بارتوي منك انت إلهي وعيني عليك
منتظرك راحتي في شخصك قلبي وروحي بين إيديك
١- (لما أشبع منك راح أدوس على عسل العالم وما فيه
من شهوة وده شيء ملموس لكن وعدك هاغلب بيه)٢
٢- (ارويني بحبك يا فاديَّ واملاني بروحك يا مليك
اخفيني وانت اظهر في علشان مجدك يرجع ليك)٢
٣- (عيني عليك تيجي وتاخدني وأعيش قدامك على طول
في الأبدية هافضل أغني وضيقاتي تنتهي وتزول)٢
----------------------------------------------------------------------
القرار - (قلبي اتعلق بيك)٣ وعينيَّ عليك (أنا مستنيك)٣ تمد لي إيديك
١- (قلبي اتعلق بيك أنت كل ماليَّ قلبي اتعلق بيك وبحبك يا فاديَّ)٢
ملجأي وحصني صخرتي القوية (وفرحي دوماً فيك)٢
٢- (قلبي اتعلق بيك لأنك حبيتني قلبي اتعلق بيك لما في ضعفي شفيتني)٢
إيدك الحلوة شالتني وفي حضنك ضمتني (كابن مدلل ليك)٢
٣- (قلبي اتعلق بيك يا يسوع لا سواك قلبي اتعلق بيك ربي ما أشهاك)٢
ملكت كياني - قلبي ويا لساني (دوماً يهتفوا ليك)٢
