أنا طول ما قلبي بينبض

1-(أنا طول ما قلبي بينبُض راح أقول يارب باحبك
ولساني طول ما بينطق هاهتف وأغني بِحبك)2

القرار- لأن حبك ليَّ يارب عجيب وفريد
أنا باشكرك يا فاديَّ يا واهبني قلب جديد
ساعدني أبادلك حبك بحب زيه شديد
وأفرَّح دايماً قلبك وأعمل ما تريد

2-( فكري وأعمال إيديا ترضيك وتمجد اسمك
والناس كمان حواليا يشوفوا ويعرفوا شخصك)2

3-( وكمان كل خطواتي في طول أيام حياتي
ساعدني أتحرَّك بيها لمجدك وأنكر ذاتي)2