ارفع قلبك للحنان

1- ارفع قلبك للحنان ثق في إلهك هو يصون
ثبت عينك بالإيمان أصل إلهك هو حنون

القرار:
ده يسوع يملا القلب بفرحة إيده تداوي همومي الجارحة
وعده إنه ليّ معين هو إله صادق وأمين

2- يقدر يمسك إيدك تاني ويعديك فوق كل حصون
يبهج قلبك مهما إن كان فيه آلامات وحروب وشجون

3- حتى ان كان إبليس بيهيج أو إن كان فيه سيوف وسجون
لما تعيش في حياتك بيه كل الغربة معاه هاتهون

4- خلي حياتك تشهد ليه وسط العالم مهما يكون
عيش لإلهك واثبت فيه تقدر تهزم كل ظنون