(لما تحس يوم بالوحدة رغم وجود الناس حواليك
لما تحس إن الدنيا صبحت حتى غريبة عليك
لما تحس يوم بالغربة حتى في شكل وخط أيديك
لما في يوم تصبح مشكلتك إن محدش حاسس بيك
مهما تغيّر مش بتغيّر مهما تحاول في التغيير
وإن الناس دي حالها يحيّر والشوك ميبقاش حرير)2
(مين بس يا ناس بأيده يقدر ما يحبش
عمر القلب ما كان بديله إننا ما نحبش)2
القلب عمره ما كان له بديل
جوانا غربة توهة وفُرقة قرب وبُعد مالوش مواعيد
جوانا إحنا آه من إحنا لما تتوه الأيد من الأيد
جوانا بكرة ده مش ذِكرى اللحظة دي جاية معادها أكيد
آه من الوحدة وبعد الغربة رغم كُتر الناس حواليك
ربك وحده يرد الغربة ويحبب أحبابه فيك
ربك وحده عنده القدرة وينجح كل عمل في أيديك
حبك وحده ولو كان وحده رغم محدش حاسس بيه
هو يغيّر وما يتغيّر بس تحاول في التغيير
حب الناس ده الحب يغيّر ده الحب يدوّب الحديد
