عصفور جريء هارب من داره
فرحان بريء شادد لرحاله
وبقلب رقيق فارد جنحاته زقزقته نقاته
بعيد وقريب بيودع ناسه
وفي حلمه غريب شوقه بإحساسه
واختار له طريق سابقة طموحاته
أمانيه في غنواته
(اوعي تغيبي يا شمسي قبل ما نورك يملا عينيَّ
شِعي ... نفسي وأحلامي تمسكها أيديَّ)2
على فرع عالي في شجر الشمال
عصفور ألحاني غنى وقال هانساك يا ماضيَّ
أبتسمي يا أيامي أبتسمي أبتسمي يا أيامي
ليَّ أمان أه فيك يا غدي وكل محال في غِناك هيعدّي
مِدي يا دنيا أيدك ما تعاندي ساندي أحلامي
شجرك يا شمال شجرك غدار
عصفوري حيران هربان من نار
مالهوش فيك عِش ولا دار
ليه يا زمان تعمل أنظار
ليه يا زمان طال الأنتظار
ومالقاش فيك حتى الأعذار
ليه ليه (ليه بتغيبي يا شمسي
ليه بتغيبي وتنسي ويا الغربة
بتقسي وتنسي أحزاني)6
رافع عينيَّ فوق الجبال
تارك ماضيَّ شارد في الحال
عطشان للميه عطشان أمان لأيدين فنان
تُهتي يا نفسي في طي الشمال
كُفي يا نفسي غربة وترحال
راجع لربي لأيدين فنان هادخل لوحاته
