1- بنحط حياتنا قدامك .. ونسلم كل الأيام
جايين لك نشتاق نبقى لك .. خارجين من دنيا الأوهام
ياللي في زمن الحب لقيتنا .. مريت بحياتنا وحبيتنا
وقبلتنا نبقى من شعبك .. ( وبدمك إنت غطيتنا ) 2
2- مش ممكن نبقى لنفسينا .. ونعيش أيامنا وليالينا
نشتاق لسراب زائل باطل .. وأماني هي مش لينا
دي حياتنا ليها عندك خطة .. محفوظة من بدء الكون
عايزين نحياها عشان مجدك .. ( زي ما تحب إحنا نكون ) 2
3-جهزنا جيش يشهد عنك .. تبقى إنت ملكنا وفرحتنا
والكنز اللي مالي قلوبنا .. وهدفنا وكل دنيتنا
إكسرنا ونورنا بنورك .. عيش فينا وإدينا حياتك
إخفينا وانت اظهر فينا .. ( واحفظنا بس لمرضاتك ) 2
