١- عندي حكاية هقولها للاولاد
أولاد أصحابي ومن كل البلاد
حكاية عني وعن يسوع حبيبي
ونصرتنا الأكيدة على مكر الشيطان
فتَّحوا ودانكم وانتبهوا لي كويس
علشان تنتصروا دايماً وتبقوا في أمان
٢- في الضلمة ماشي في مرة من المرات
جالي يتسحَّب كأمكر الحيات
حاول يقول لي ده إنت ماشي لوحدك
وفي الضلمة إنت خايف قوام هات إيدك هات
قلت له امشي لأني مش لوحدي
يسوع ماسك بإيدي وهو عشاني مات
٣- وفي مرة بالعب مع ابن الجيران
جه قاللي اكذب عشان تبقى الكسبان
قلتله لأ يسوع راح يزعل مني
وأنا قلبي مش هايفرح مادام هو زعلان
قام فر مني وجه جنبي يسوعي
في لحظة لقيته جنبي وحسيت بالأمان
٤- خدها نصيحة على مر الأيام
إبليس لو جالك ماتسمعلوش كلام
قول له يا شاطر ماتتشطرش عليَّ
علشان أنا مش قدك مالكش معايا كلام
إنت كنت شاطر تروح تتحدى ربي
وهو هوريلك ويغلبك تمام
