القرار - أنا عايش في الأرض غريب والخيمة دي مش عنواني
هاتحرر وأنا عارف أكيد رايح للسما أوطاني
1-أنا عايش في الأرض سفير خليني يارب أكون شاهد
عن حبك في خيام الغربة وأشاور على بلد الخارج
وأنسى اللي بيشغلني عنك وأهتم بالغرض الواحد
وأعيش في الأرض أشهد عنك أسعى وبسعيي أجاهد
2- مش هاسمح لآلامي وهمي ينسوني رجاء الابدية
أنات الغربة وأتعابي وحروقي في شمس البرية
ماتجيش حاجة في أمجادك ده كفاية يكون فيها جلالك
وده كله يهون لما أشوفك تمسح لي دموعي بكفوفك
3- نوَّر يارب عينيَّ وعيون إخواتي حواليَّ
افتح أذهاننا وفهّمنا معنى العيشة في أراضينا
ورينا إنت القصد السامي اللي عشانه اتخلقت أوانينا
وفي ملكوتك اشغلنا نسينا خيامنا وأراضينا
4- لولا الحمل اللي فداني لولا خلاصه المجاني
كان الموت استناني والنار الأبدية مكاني
يسوعي يا حبيبي يا فدائي مت إنت وخدت مكاني
إن كنت عملت ده كله عشاني برضك يستاهل أيامي
