1- (ياللي عشانك سِبت سمايا جيت للأرض فقير غلبان
صورتي في صورتك وبإيديَّ شكِّلتها وبقيت إنسان)2
(ارجع يا ابني لحضني وحبي تعالى إليَّ تعيش فرحان)2
(صعبان عليَّ صعبان عليَّ تعيش في الأرض ذليل ومُهان)2
2- (ياللي عشانك ثقبوا يدايَ و صلبوني مع الأشرار
وداب قلبي وسط احشائي زي الشمع في وسط النار)2
(كل ده علشان أفدي حياتك ماتدخلش أتون النار)2
(صعبان عليَّ صعبان عليَّ ترفض حبي بكل إصرار)2
3- (لكن وعدي لو تقبلني هاجعل عمرك بركة وخير
وأكسّر لك كل قيودك تصبح حر زي الطير)2
(وأحقق لك كل آمالك تصبح يا ابني زي أمير)2
(أصلك غالي أصلك غالي غالي عليَّ عليَّ كتير)2
