السنين بتمر تجري

1- السنين بتمر تجري ليه في أرض المر تجري
لا السنين بتحس بينا ولا القبور هاتضيق علينا

القرار- (شمس عمرك راح تغيب ليه معاند يا حبيب)2
(قوم تعالَ للصليب وليسوع اندم وتوب)2
(فجر عمرك لسه جاي طول ما لينا يسوعنا حي)2

2- فين ساعاتك اللي فاتت مع دقايق صمت ماتت
ليه سكاتك فكر شاتت دي حياتك ولا هانت

3- ليه حياتك أرض بور والسواقي جنبك تدور
ليه تبات بين ألف سور كسر الضلمة بنور

4- الحياة زي البخار ليه تبيع عمرك بنار
والشيطان عاملك ستار دوس عليه خد لك قرار