1-يا ربي انت نوري وبهجة خلاصي
يا ساتر لي عيوبي ورافع لي راسي
دايماً فاكرني حتى لو كنت ليك ناسي.. لو كنت ليك ناسي
القرار - (ولا يمكن ها أقدر يوم أعيش لو انت بعيد
لا هالاقي راحتي وسلامي ولا هابقى سعيد
من غيرك انت في حياتي أنا قلبي وحيد)2
2-ياما قلبي كان بيدوَّر عنّك ومش لاقيك
مش عارف فين طريقك مش عارف أراضيك
روحت تدوَّر عليا مديت لي ربي إيديك عرَّفتني أراضيك
3-ما لقيتش عمري راحة إلا وأنا وياك
ولا قلبي حس بفرحة إلا في وجوده معاك
كل اللي فات من عمري وأنا عايشه مش وياك
هانساه وأبدأ معاك.
