1- مسمار وحربة وتاج من شوك
وفي وسط شعب شافوك عرفوك
والكون بيرفع صوته يقول.. ليه تصلبوا ملك الملوك
ده جال وياما صنع آيات.. وبكلمة منه أقام أموات
مين اللي يستاهل يا يسوع.. تسيب عشانه السماوات
القرار- ده صليب اترفع.. وده دم اتدفع
ده كان عقاب خطايانا.. قدم حياته فدانا
ده صليب اترفع.. وده دم اتدفع
اختار إنه يكون لعنة.. عشان إليه يرفعنا
2- وفي كل مرة أنا باجي إليك.. قدام صليبك ناظر ليك
باشعر بإني ليك مديون.. وعمري كله ما يوفيك
اخترتني وأنا كلي عيوب.. من كل قلبي باجي وأتوب
عايز أعيش أيامي معاك.. اقبلني واغفر كل ذنوب
