القرار- أنا واثق إني ابن ليك اسمي منقوش في كفيك
قوة الوعد في كلامك تحفظ سلامي وراحتي فيك
1- حتى لو كانت عيوني شايفه برية مُرة جاية
ياما شخصك المُريح عدّى بيَّ وسقاني مية
كنت حاضر في الليالي لما شكّي بالخوف ملاني
لكن بنورك اتولد فجر الأمل في حياتي تاني
2- بنعمتك عابر نيران وف وسطها مليان سلام
أنا شايفك بإيماني وايديك بحنان محاوطاني
تبقى جانبي كصديق وسط همي أو في ضيق
تمنحني وعدك بالفرح حتى ولو ضاق الطريق
