كم مرة قلنا لك يارب
بنسلمك حياتنا ومستقبلنا
عيلنا وخططنا
طموحاتنا وأحلامنا
أه كلام حلو
تسليم تطويع المشيئة
والإرادة لإيد أمينة وقوية
طيب وساعة الجد
لو ربنا جالك في يوم وقلك زي ما قال لابراهيم
أديني ابنك اللي هوا حتة منك
هتعمل زي إبراهيم وتصحى الصبح من بدري
وتحضر الحطب وتكون مستعد إنك تقدمه محرقة كل حب
ولا هتفكر وتأخر وتحسب وتبرر
وتقول ده ابني ابني اللي تعبت فيه
ابني اللي عايز أشوف نفسي فيه
ناسي لكل الخير اللي إنت فيه
ده بفضل نعمتو
ليه مستصعب الموضوع
مع إن في أحداث كتيرة قوي في مسلسل حياتنا
كانت بتتعارض مع أحلامنا وطموحاتنا
لكن الغريب إن إحنا كنا بنعبر فوقها ونتقبلها
وده بفضل نعمته
غريبة قوي يارب علي
إني لما سلمتك الدفة
اتقبلت أمور مش على هوايا
وكان عندي يقين إنها مجرد فتات قدام عطاياك وهباتك
وده برضو بفضل نعمتك يارب
