1- يارب يا واحة وراحة لكل التعبانين
يا نور وشمس الدفا لقلوبنا البردانين
أشرق علينا يارب يا منارة التايهين
ده البحر هاج وفي ليلة احتاروا الملاحين
2- يا بحر يا هايج مجدافي مش قدك
بس اللي قدك معايا في مركبي ساكن
يقدر يعليني على موجك ما هو ربك
يقدر كمان وبكلمة تصير ساكن
3- رب السماء والأرض والأكوان وليك قدرة
تهدي الحيارى في سكة الأخطار
ولو تاهوا لكن مالوا على بابك
تقدر تبدل ليلهم الحالك بنهار
