ياما أنا صليت بدموع يا بنتي
لأشوفك شو تمنيت بالرب آمنتِ
هالدني شو فيها شو هي معانيها
من دون يسوع فيها شو قيمتك أنتِ
ياما أنا صليت بدموع يا بنتي
حولي يابيّ جموع عم يشمتوا فيّ
بحكيهم عن يسوع بيقولوا رجعيّ
حولي يا بيي جموع عم يشمتوا فيّ
بحكيهم عن يسوع بيضحكوا عليّ
اللي بدو يرضي الناس معركته خسراني
محكوم بوجع الراس وأفكاره تعباني
(عيشي برضا يسوع بتمشي وراسك مرفوع)2
هالدني شو فيها شو هي معانيها
من دون يسوع فيها شو قيمتك أنتِ
يا ما أنا صليت بدموع يا بنتي
عالم قوي وفزعان يغريك يا ابني
اتبع خُطى الإيمان بتعيش متهني
الحياة بلا المسيح فراغ وقبض الريح
اسمعنى يا ابني منيح عالرمل ما تبني
اتبع خطى الإيمان وعالصخرة ابنِ
(يا بيّ بدي عيش عيش أيامي
ما برضى كون درويش وتضيع أحلامي)2
الأحلام أمل خدّاع بها العالم الفاني
رح تحصد الأوجاع وتزيد أحزاني
(ارفع عينيك طلوع وحده الأمل يسوع)2
هالدني شو فيها شو هي معانيها
من دون يسوع فيها ضياع يا ابني
اتبع خُطى الإيمان وعالصخرة ابنِ
(بعدنا وسلكنا دروب اللي براسنا عملنا
وتجرحت القلوب وحصدنا شو زرعنا)2
يا بيّ سامحنا كلامك ما سمعنا
صدقنا ورجعنا وبالرب آمنا
هالدني شو فيها شو هي معانيها
من دون يسوع فيها الأفراح ما شُفنا
يا ما أنا صليت والرب خلصنا
