(عايش محروم.. مغلوب.. مهزوم
ولأني غريق مش قادر أعوم
بتشيلني الموجة وترميني ماقدرش أقوم)٢
(أنا عارف إني مانيش ثابت وحياتي معاك دايماً هشة
وفي يوم طالع وفي يوم نازل شايلاني الريح زي القشة
أنا ياما باصلي وياما باقول هافضل وياك يا يسوع على طول
وباجيلك متحمس لكن.. قدام الشر باقف مذلول)٢
أنا عارف إني ماليش كلمة ولساني بيوعد ويخالف
(وأتراجع عن وعدي وأخونك طب ليه بتراجع مش عارف)٢
وأنا عارفك تقدر تديني القوة معاك.. وتنجيني
من فشلي وتقدر ترفعني فوق كل اليأس اللي ماليني
(يا يسوع.. يا ملك غالب ظافر علمني أعيش النصر معاك
وأنا خطوة بخطوة هامشي وراك وأكبر في عينيك وأمسك في إيديك
وعيني عليك ووداني سامعاك وهاكمل باقي العمر معاك)٢
