القرار- (مافارقنيش أبداً أبداً إحسانك ده مافارقنيش
من وأنا لسة في رحم الأم الرحمة شالتني وماسابتنيش)2
1-(مرة أتعبد مرة أتسند مرة أتشدد وأنا وياك
والمرات التانية أما أبعد أرجع وألقاك مانسِتنيش)2
2-(وأما بالاقي النفس انهارت تحت رحاية شك وضيق
والنوم هارب مني أطالب قلبك وأصرخ ماتسِبنيش)2
3-(وأما أتحارب وأنا في القارب بالموجة وبالريح والخوف
وأبقى بانازع في هزيع رابع تيجي تدافع عني أعيش)2
4-(دوّب قلبي حنانك سيدي وسابني ما بين حمد وتسبيح
وأنا متاخد مسبي وساجد قدام حب مابينتهيش)2
