يسوع بالحب أكبر

1- فوق حدود الفهم عندي وعدَّى كل التوقعات
الإله إزاي حاببني وأنا واحد خاطئ مات
تحبني وأنا ماستاهلش وتشيل عني موتي الأكيد
وقلبي كان لرب غيرك استعبدني بإيد من حديد

قرار- (حبك انت يارب واضح زي شمسْ بتِنهي ليل
وانت جاي تقول مسامح والصليب أكبر دليل)2

2- محبتك جذبتني لك و بنعمتك أنا صرت ليك
وكل لحظة أنا عايزة أعيشها بتسبيحاتي بين إيديك
أعلّي اسمك فوق يا غالي وأشهد لك ليلي ونهاري
وأقول لكل اللي ما عرفكشِ انت نوري وطريق حياتي

3- ونفسي أقول للدنيا عنك و ألاقي كلمة تعبَّر أكتر
وأروح كمان أشهد لأهلي وأقول يسوع بالحب أكبر
حررتني بدمك وصار لي الدخول بيه للديار
واديني بهتف بافتخار الحياة في يسوع البار