عيني خلاص

1- (عيني خلاص نزلتها عن البشر
ورفعت عيني ورميت حملي عليه
وحده المسيح اللي ينجي من الخطر
هو اللي قال ساعة الخطر احتمي فيه)2

القرار- أنا عايزك انت مش عايز غيرك
ما هو انت كفايتي في مركبي وانت الأمان
أنا عايزك انت مش عايز غيرك
ما هو انت حمايتي في غربتي وانت الضمان

2- (ومن انهارده عيني بس تكون عليه
والماضي والحاضر بيشهد عن أمانته
مهما الظروف تبعدني لحظة عن إيديه
لكن باكون جوه في حمايته ومشيئته)2
3- (علمني أسمع صوتك الحلو في وداني
وأميِّزه وأعرف مشيئتك في الحياة
لو تختفي طُرق النجاة لحظة في زماني
تبقى لي انت يسوع حبيبي طوق النجاة)2