1- عمري ابتدأ يوم ما عرفته
لما تعبت رجعت له
أتاري ربي كان مستني
واقف على الباب
يوم بعد يوم باتمسِّك بيه
وأحس إني مديون ليه
لقيت حياتي بين إيديه
أغلى الأحباب
القرار- (هابقى ماشي إيدي في إيده
ماسك فيه عمري ما اسيبه
هو حبيبي وأنا حبيبه فرحان بيه
أروح معاه وأفضل أغني
هو إلهي وضماني إني
عن حبه ما في شيء يفصلني وكلي ليه)2
2- أحلى أيام تبقى معاه
بيفرَّح قلبي من جواه
بالخير والحب والسلام هو بيملاه
إلهي فرحي كله يا ناس
كنوز الدنيا معاه تنداس
نوَّر في قلبي بيه إحساس
عمري ما هانساه
