1- بقلك ربي ما فيي وحدي بهالعالم كافح تركوني للي حواليي ونفسي مش قادر سامح
بتقلي أنا بحبك كل الماضي غفرتلك
بعتلك ابني الوحيد ورح أبقى واقف حدك
القرار- بيني وبينك فرق كبير بالأعمال وبالتفكير
بيني وبينك فرق كبير عندك لكل شي تدبير
2- بقلك ربي الحمل تقيل كيف بتخطى التجارب
كل شي صاير مستحيل كترت عندي المصاعب
بتقلي أنا حاضر أنا الأول أنا الآخر
معي لما بيصير بيصير عكل شي أنا قادر
3- بقلك إني بخاف كتير ما بوثق بالمستقبل
ما عندي إيمان كبير ماني قادر اتحمل
بتقلي عطيتك حكمة علسانك سيف الكلمة
ما تكون لخوفك أسير رح بتكفيك النعمة
