مسك الجنود المسيح للمحكمة جروة
أخدوه شيوخ اليهود وبظلمهم حكموه
ومرة تانية الجنود بعد المحاكمة خدوه
والشعب قدام بيلاطس صرخ وقال اصلبوه
لطموا المسيح على خده وبالسياط ضربوه
ولبسوه توب الملك وأتريقوا وشتموه
وجابوا تاج م الشوك وع الجبين حطوه
مشي المسيح شايل الصليب ووراه جنود حراس
وعلى طريق الجلجثة جمعوه ألوف الناس
كان منهم المؤمنين ماشيين حزانى منكسين الرأس
ومنهم الشمتانين اللي أساءوا الظن والإحساس
كان منهم الميت اللي المسيح صحاه
كان منهم المشلول لمسه المسيح وشفاه
منهم ضرير رد المسيح بصره
منهم حزين حب المسيح عزاه
والكل مستعجب وماشي وراه
مشي المسيح شايل الصليب ووراه جنود حراس
وعلى طريق الجلجثة تبعه ألوف الناس
اللي بكى واللي اِكتأب واللي اشتكى واللي انتحب
واللي ابتعد واللي أتضرب واللي ارتعش
واللي انضرب واللي ضحك من غير أدب
واللي كتب ثورة غضبواللي سأل إيه السبب
وهو ده هو السؤال المرتقب
إيه السبب إيه السبب إيه السبب
ليه المسيح جه وأتصلب
