المسيح قرب يجينا

1-المسيح قرب يجينا يلا نستناه
عن قريب هيكون وسطينا وأحنا هنكون وياه
القرار- والتعبان يرتاح ومر الغربه راح
 ونغني الترنيمه الحلوه ونعيش في الأفراح
2-دا هو وعدنا وقال انا جاي وقالنا العلامات
هتسمعوا بحروب وتشوفوا اوبئه ومجاعات
3-والعلامات كلها بتقول عريسنا على وصول
وكل واحد يلم عزاله عالمطار علطول
4-في لحظه وفي طرفة عين هنسمع صوت البوق
إستعدوا يا مؤمنين حالاً هيخدنا لفوق
5-ميراثنا الحلو هناك يا حبايب ما رأيته عين
وكل واحد فينا له نايب حلو وزين
6-ونوصل المدينه يا هنانا وندخل الامجاد
وحبيبنا هيسكن ويانا إلى ابد الأباد
7-مدينه سماويه ينورها يسوع كلها اسرار
مفيهاش احزان ولا دموع هيسكنها الابرار