1- (أيوة شعبك سابك بعد إيه
بعد ما شاف العظمة دي بعينه
مرة تانية بيسيب إيدك تاني ليه
يبيع حريتك بعد إيه ما أشتريته)2
(ومعجزتك اللي عملتها
المية اللي مشيوا وسطها
وصاياك كتبتها والخير لقاه
مش ممكن أكون ناسي
شعبك إزاي كان كدة قاسي)2
ولا ده كان هيكون احساسي لو كنت معاه
2- علشاني جيت واديتني أنا الحياة
وفتحت لي باب النجاة بتحميني
وعلشانك ماعرفتش غير السكوت
وأنا ربي مصلوب بيموت بيفديني
(ما هو الإنسان طبعه أناني
بيغلط ويجيلك تاني
وتيجي علشانه وعشاني والموت تختار
تنقذني من أمواج عالية
تمسكني من إيدي وفي ثانية
أجي أنا وفي إيدك التانية وأدق المسمار)2
