رحمته كبيرة

1- (كل مرة كنت أجي فيها أصالحه وأقول له دي غلطة أخيرة
كنت أرجع بعدها تاني أنا أغلَط غلطة تانية كبيرة)2
(كان يسامح كدة قَوام في الحال
يقول لي تعالى يا ابني الضال)2
ده أنا عينيَّ عليك تملّي
ملاكي حواليك جنبك ماسك في إيديك
دايماً ليك رحمتي كبيرة

القرار- (إلهي ده إلهي ده رحمته كبيرة)2
وأنا جاي لَك ندمان
واثق كلي إيمان باقولَك سامحني
علشان أنا ابنك صنع إيديك
محتاج يارب إليك في حياتي تفرحني
2- (صعب أنسى أي حاجة عملها ربي عشاني و ادهاني
لو نسيت حبه ليَّ خوفه عليَّ ابقى إنسان أناني)2
(أنسى قلبه حضنه ده باب مفتوح!
أنسى جلده جنبه ده كان مجروح!)2
مش هايسيبك تبعد عنه ملاكه حواليك
جنبك ماسك في إيديك دايمًا ليك رحمته كبيرة