) كنت فاكر إنّي وحيد جوه بحر من الأخطار
بحر فيه الشر عنيد والصراع اشتد ودار)2
(وسط موجة من التجارب تُهت أدوَّر ع الفنار
وسط حيرتي شُفت قارب رامي طوقه في انتظار)2
(إنّي أمد إيدي إليه أو في عجزي أشاور ليه
رُحت رامي بنفسي عليه وفي بكايا أنا شُفت عينيه)2
(شُفت صورتي أيوه فيها فيها فرح لكني بكيت
شاف دموعي بص فيها قال لي:ليه ده انت ابن البيت؟)2
(اوعى تاني الفكر يزيد أو في يوم ترجع تحتار
ده انت لو شكيت في الإيد بص هَاتلاقي المسمار )2
(ساب مكانه جرح سايل منه دم وبيه مكتوب
اسمك انت نقش قايل إنك انت ابني المحبوب)2
(والسفينة لابد في يوم ترسي بيك المينا أكيد
حتى لو في البحر غيوم أنت عُمر ما كنت وحيد)2
