القرار
(كله حنان ومافوهش قساوة وبيدينا سلام
بيخرَّج م الجافي حلاوة ويحلّي الأيام)2
(بينجينا في وقت الأزمات يدي حياة للقلب إذا مات)2
ما هو اسمه يسوع يعني مخلص وبيسمع للدعاء والصلوات
1- (ده إيدين الرب يسوع حايشة عنك أخطار
بتصد سهام طايرة وطايشة وبتخمد نار)2
تسهل لينا الصعوبات سهران على شعبه .. طول الأوقات
2- (لو كان أحمالك تقل جبال وياه ترتاح
ده في قربه تخف الأحمال وتخف جراح)2
تتجمع حوالينا ضيقات تلاقيها بتُفرج .. من السماوات
