1- (عينيا بصّت ع الصليب لقيت عينيا دمَّعت
ولقيت هناك تحت الصليب في ناس كتير اتجمَّعت)2
القرار- ولد صغير جاي وماسك إيد أبوه شاف المسيح والناس بتصرخ:"اصلبوه"
(وقال:"يا بابا هم ليه صلبوا المسيح؟ دول غلطانين استنوا حالاً نزلوه!")2
2- (يسوع ده طيب ياما طيِّب ناس كتير وفي كل يوم كان يمشي يصنع كل خير)2
قوِّم لعازر.. رجع النور للضرير.. دلوقتي ليه بالقسوة ديَّا بتجرَّحوه وبتقْتلوه؟
3- (كنا أنا وأصحابي بنروح له ساعات نُقعد معاه نسمع كلامه بالساعات)2
وبسمكتين وبخمس خُبزات في يوم شبَّع ألوف وأما عِطش جبتلوا له خل تشرَّبوه!
فوق الصليب يسوع هناك فارد إيديه وحضنه مفتوح للي هَايروح ويناديه
(مرفُوع على خشبة عشان يرفعنا ليه سلِّموه القلب حالاً واتبعوه)2
