يمكن في يوم أضعف وأقول بلاش يارب التجربة
وبلاش أعيش تاني الليالي المتعبة
بلاش ستاير الحزن تنزل ع النهار وبلاش أدوق تاني تفاصيل للمرار
ده اللي اتحرق مرَّة ما يستحملش نار
الشوك كتير والقلب من بدري اتجرح والكاس كبير والحزن جوه البيت سرح
أرجوك بلاش التجربة
لكن بسرعة أرجع وأقول خليني أفهم حكمتك خليني ألمس رحمتك
ارتاح في حضن محبتك وأتحمل الشوكة بفرح
أنا مش هاقاوم حكمتك أنا قابلة حكمك والإرادة الطيبة
أنا باشكرك ..باشكرك على كل شيء حتى لأجل الشوك ونار التجربة
أنا عارفة إن الشمس حاضرة في السماء خلف السحاب
خلف الضباب خلف الغيوم المرعبة
وأنا باطلبك وأنا باحمدك وأنا باشكرك مخصوص عشان التجربة
