ليه مارجعش

القرار - أنا ليه مارجعش وأقوله سامحني كنت باعيش أيامي معاه
وقت ما كل الكون يخاصمني أجري في حضنه وأبات في حماه

1- كان ليَّ رفيقي في وقت الوحدة كان شايل همي في وقت الضيق
وفي وسط الغربة بالاقي صديق كنت أجري عليه عشان أحكي معاه
أنا ليه مارجعش وأقوله سامحني

2- أنا كنت بتوه في شرور العالم وبلمسة إيده آلاقي النور
الناس في الدنيا تعيش في قبور وأنا نوري وحصني ألاقيه جواه
أنا ليه مارجعش وأقوله سامحني