١- أنا كنت فاكر إني وحيد مش ممكن أكلم ربنا
وإنه إله ساكن بعيد وأكيد مش زيينا
(مش حاسس باللي أنا حاسه وبيطنش اللي أنا عايزه)٢
فاكره في كوكب تاني لكن اكتشفت حاجات تانية
القرار- أنا محبوب أنا مقبول أنا مخلوق على صورة الله
ولي أمري والمسؤول عن فرحي وحمايتي معاه
هاتنطط وبكل حماس ده أنا طاير من الفرحة معاه
وهاغني قدام الناس (أيوه أنا ابن أعظم إله)٢
٢- أنا كنت فاكر إني ضعت خلاص ومافيش مني فايدة
وإنه ماسكلي عصاية كمان وواقفلي على الواحدة
ولازم أصلح نفسي قوام قبل ما أحب أقوله كلام
لكن لما عرفته تمام اكتشفت حاجات تانية
٣- أنا كنت فاكر إني لعبة في إيده لغاية يوم ما أموت
وهايتحكم فيّ يمين وشمال زي الريموت
وإن الصلاة والتسبيح واجب أعمله ويا أما أتعاقب
لكن أنا باعبده وأنا حابب أصلي شفت حاجات تانية
