سبت في المية عايم فيه نون صغير نايم
السمكة تزقه شوية ويفتح عينه شوية
ويضحك ضحكة حلوة وعينيه ع السما العالية
(إزاي يا نونو)٤
إزاي يا نونو مش خايف
قول لنا في السما إيه شايف
شايف ملايكة حواليَّ وربنا عينه عليَّ
وأكيد مش هايسيبني أنا عارف علشان كده أنا مش خايف
قول لنا يا نونو إيه اسمك وفين باباك ومامتك
موسى ده يبقى اسمي ومامتي اللي حطتني عشان خايفة عليَّ
لحسن فرعون يقتلني
بنت الفرعون هاتاخدني وتجيب ماما تأكلني
يا سمكة زقي تاني وديني هناك في ثواني
ربنا وصاها عليَّ وكمان أختي متابعاني
